مشاهير

كريمة مختار تكشـــف تفاصــيل زواجهـــا من المخرج نور الدمرداش وســبب قبولهـا

كشف الفنانة كريمة مختار، تفاصيل زواجها من المخرج الراحل نور الدمرداش، والتي تعد من أنجح زيجات الوسط الفني وأسفرت عن 4 أبناء 3 شباب وفتاة واحدة.

وقالت خلال إحدى اللقاءات التلفزيونية: “كنت بدرس في المعهد العالي للفنون المسرحية، وكان شكلي صغير جدا وليا ضفاير ولبسي باين عليه إني تلميذة مش ممثلة وبلبس حاجات تلفت النظر لأني دخلت المعهد لحبي الشديد للفن وكنت بدرس موسيقى وتمثيل، ومكنتش ببص لشباب خالص ولا يهمني في شيء”.

وأضافت: “نور الدمردش كان يسبقنــي بسنوات لأنه كان وقتها في سنة رابعة وأنا كنت في سنة أولى، وهو كان ظابط في سلاح الفرسان وخريج جامعة وله بعض المواصفــات بتخــلي الناس تبصـــله وكانت البنات تقعــد تتفـــرج عليه، لكن أنا الحقيقة كنت بخـــاف منه جدا، وكده كده أنا بعيــدة خالـــص عن الموضوع ده”.

وتابعت: “لغاية لما تقابلنــا في مسلسل إذاعي وكان عامل دور شرير واتكلمنـــا من خلال العمل شــوية وهنا بدأ التعــارف، ولكن أنا في البداية مكنتش موافقـــة لأني كنت أسمع أنه شقــي ولعبـــي، ولكن ده كان غير صحيح ومش لازم نصــدق كل الكلام اللي بيقولوا الناس لأن الأيام أثبتت أن كل الكلام اللي اتقال عليه غيــر صحيح تماما”.

واستكملت: “المهم جم يــزورونا وأنا قايلة عندي في البيت إني مش موافقـــة ولكن والدتي قالتلي دول ضيوف اطلعي سلمي بس عليهم وكده وخلاص، ولما شــوفت والدته وافقــت عليه علطـــول لأن لما شفت والدته قلت مش ممكن يكون ابن الست دي شخص يكون وحــش أبدا وده كان سبب تراجعي عن الرفض وموافقتـــي على الزواج منه”.

About the author

admin